Delhi_Crime

• 

#DD മലയാളം റിലീസ് 24

#Delhi_Crime

ഭാഷ : ഹിന്ദി
സംവിധാനം : Richie Mehta
പരിഭാഷ – ആഷിക് & ഡെന്നി ഡൊമിനിക്
പോസ്റ്റർ : തലസെർ

ഡൽഹി ക്രൈം(2019)_ 2012 ഡിസംബർ 16 _ന് ആണ് ഇന്ത്യയെ നടുക്കിയ അതി ദാരുണമായ കൂട്ട ബലാൽസംഘം ഡൽഹിയിൽ സംഭവിച്ചത്.

ഡൽഹിയിലെ മുണിർക എന്ന സ്ഥലത്ത് നിന്നും 23 വയസ്സുള്ള ഒരു പെൺകുട്ടി തന്റെ ആൺ സുഹൃത്തിനോടൊപ്പം ഒരു ബസ്സിൽ കയറുന്നു. എന്നാൽ ആ ബസ്സിൽ ഉണ്ടായിരുന്ന 6 സാമൂഹ്യ വിരുദ്ധർ അവരെ ആക്രമിക്കുകയും പെൺകുട്ടിയെ അതി ദാരുണമായും പൈശാശികമായും മാനഭംഗപെടുത്തിയ ശേഷം ഇരുവരെയും റോഡിലേക്ക് വലിച്ചെറിയുകയും ചെയ്യുന്നു…

പെൺകുട്ടിയെ ഉടൻ തന്നെ ആശുപത്രിയിൽ എത്തിക്കുകയും 11 ദിവസത്തിന് ശേഷം വിദഗ്ദ ചികിത്സക്കായി സിംഗപ്പൂരിലെ മറ്റൊരു ആശുപത്രിയിലേക്ക് മാറ്റുകയും ചെയ്തു. എന്നാൽ 2 ദിവസം കഴിഞ്ഞ് പെൺകുട്ടി മരണത്തിന് കീഴടങ്ങുന്നു…

പൂർണ്ണമായും ഡെൽഹി പോലീസിന്റെ എഫ്‌. ഐ. ആര്‍ ഉപയോഗിച്ച് തന്നെയാണ് ഈ വെബ്സീരി സിന്റെ തിരക്കഥ തയ്യാറാക്കിയിരിക്കുന്നത്.

കൃത്യം നടന്നതിനു ശേഷം ഊണും ഉറക്കവും ഉപേക്ഷിച്ച് പോലീസ് കുറ്റവാളികളെ നിയമത്തിനു മുന്നിൽ കൊണ്ടുവരാൻ ശ്രമിക്കുമ്പോൾ പോലും, സമൂഹവും മാധ്യമവും അവർക്കെതിരെ ആക്രമണങ്ങൾ അഴിച്ചു വിട്ട് പോലീസുകാരെ മാനസിക സംഘർഷങ്ങ ളിൽ പെടുത്തിയത്തും വളരെ വ്യക്തമായി തന്നെ ഡയറക്ടർ അവതരിപ്പിച്ചിട്ടുണ്ട്…

Shefali Shah, Rasika Dugal, Adil Hussain and Rajesh Tailang, തുടങ്ങിയവർ ആണ് പ്രധാന കഥാപാത്രങ്ങളെ അവതരിപ്പിച്ചത്. ഇതിൽ DCP ആയെത്തിയ Shefali sha അത്യുഗ്രൻ പെർഫോമൻസ് ആണ് കാഴ്ചവെച്ചത്.വൈകാരികമായ രംഗങ്ങൾ അതിഗംഭീരമായി തന്നെ അവർ അഭിനയിച്ച് നമ്മുടെ മനസ്സിലേക്ക് എത്തിച്ചിട്ടുണ്ട്.

ഏകദേശം 50 മിനിറ്റ് ദൈർഘ്യമുള്ള 7 എപിസോടുകളുള്ള ഈ സീരിസിന്റെ ആദ്യ 4 എപിസോടുകൾ ആണ് ഡിഡി മലയാളത്തിന്റെ പ്രേക്ഷകർക്കായി ഒരുക്കിയിരിക്കുന്നത്.

ഒരു വെബ്‌ സീരീസ് എന്നതിലുപരി നമ്മുടെ രാജ്യത്ത് നടന്ന ഒരു രാക്ഷസ പ്രവർത്തിയുടെ പിന്നിലെ കഥകളാണ് ഡെൽഹി ക്രൈം നമുക്ക് മുന്നിൽ പറയാൻ ശ്രമിക്കുന്നത്..അതിനോടൊപ്പം മാറേണ്ട നിയമ വ്യവസ്ഥയോടുള്ള ഒരു പ്രതിഷേധവും ആണിത്.